Mon premier marathon avec RCT by Hatem Zribi

-

ماراطون بالقوش
هذا هو الشعار الي دخلت بيه لماراطون كومار 2018
لحقيقة كانت لحكاية بفدلكة زعما نقد روحي... برا بركا على الله...
توكلت على ربي و قلت انا و برنامج التحضيرات... و لحقيقة كانت لومور مريقلة دونك كل مرة تزيد تقوى الإرادة لين بالوقت تأكدت أنو نجم نقد فيها روحي...
نهارت الكورسا إخطرت bus 6:50 و كان الهدف متاعي نكون فينيشر و نكون بصحة جيدة من غير تبلبيز... بدينا مع بعضنا كانت التشكيلة فيها نزار، بوعلي،  إسكندر، شهاب و هيثم بدينا وحدة وحدة قلنا كل 20دق نشربو الماء و كل رافيتايمون ناكلو حويجة و ربي يفضللنا والدة بوعلي عملتلنا أقراص يعملو 66 كيف (دقلة و فاكية زهر و عطرشية و ملح) من الآخر خلطة عالمية... أكهو جونا باهي و بدينا نشوفو في جماعة السومي يرجعوا و بالطبعة ولينا نشجعو في بعضنا...

 و بعد في الكم 12 بدينا في السيناريو الخايب صبت المطر و انا سبادري مشكلتو يعدي الماء اما الحمد لله ما طولتش... في كم 14 ضربة بوعلي تحيرت و ولا يتوجع و دخل بعضو شوية لكن درنا بيه  و هزينالو شوية المورال و هو من الآخر قوة قليب منوا شد صحيح كيف قال مانيش مسلم (خمسة و خميس على عشيري)...عبد الرحمان و زياد العالمي  ضربة ضربتين يتفقدوا فينا بالبساكل و كان زياد كل مرة يعمللنا المباشر و يونس فينا بالحكايات (معلم زيدون) و نحنا هكاكة و نشوفو في الكيني و زوز مغاريبة مسو قرطاج و راجعين تبارك الله (يجي نهار و نولي خير منكم هههه)
 في الكم 21 بدات تنقص bus بوعلي طيح شوية في الريتم... وصلنا لقرطاج و بدينا نرجعو تفاهمنا الصعادي نمشيوهم من غير ما نتقواو... الحاصيلو في الكم 29 لحقيقة حسيت روحي وليت نستراسي في bus من غيىر ما نشعر و قاعد نضيعلهم في الريتم دونك قررت وقتها باش ننطلق على روحي 13كم باش نواجههم وحدي و في مخي راهي جرد 1h30 EF...   لحقيقة كانو صعاب بارشا و خاصة الريح ضدي من الآخر الواحد ما عادش فاهم بدنو و روحو و الريتم متاعو... الواحد ولا يحكي مع الريح نقلو أضرب أنا الي إخترت بيدي ماراطون صحة ليك أضرب هههههه الحاجة الباهية هاو كل مرة تلقى شكون بالبسكلات يسأل عليك سيف أسامة أحمد أمين عاطف خولود غفران... والله محلاكم 



طوالت المسافة في الثلاثينات كنت نجري بين 3 و 4كم و نمشي دقيقة باش ناكل فيها و ساعة ساعة سيف يتعدى بالبسكلات و يعيطلي (حتوم بالقوش) يزيد يشجعني من غير ما نشعر لين وصلت لل40كم وقتها إحساس آخر و المنقالة بدات تظهر... في 41 نلقى الكوزان أحمد يصور فيا و ولا يجري معايا و يشجع فيا (الحاصيلو وحدك يا حميدا) و العائلة RCT تستنى فيا و مفريقين يمين و يسار يعيطولي بإسمي و يشجعو فيا و أسيمة نعيطلها وينو الكيني؟ ههههه و أحبابنا من القصيبة زادا و الله الواحد حس روحو ستار و الي يصور فيا والي يعمل في فيديو... و انا كعبة الأدرينالين باش تترشق حتى من الألير ولات في 5:11 و زيد نشوف في منقالة كومار فيها 4h58 دونك كبست قلت قبل ما تسكر 5h و أخيرا ماراطونيان أي نعم راك جريت 42 كم يا سي الشباب
فرحة ما تتوصفش فرحة تتويج تحضيرات 3 أشهر... الحمد لله و هذا الكل بفضل ربي أولا و Running Club Tunis ثانيا
شكر خاص للكوتش وسيم،  لمحمد علي، فريق كومار، فريق القوة، للفريق الي تبعنا بالبساكل و للناس الي تحبنا و جات باش تشجعنا أكهو....  
هوامش:
- غفران بالبسكلات في كم 30 قلي حاتم تستحق حاجة قتلو تو كيف نوصل للرافيتايمون نعبي طرف ماء... أنا مازلت ما كملتش كلمتي و نشوف فيه دور البسكلات و مشى و بعد نشوف فيه راجع بستيكا ماء (محلاك يا غفران)
- زياد لتوا لا قلي شكون فتحية؟ ههههههه
- و انا داخل لنقطة النهاية حبيت نضرب منقالة الماراطون من غير ما نشعر نستخايل روحي نجري في المنزه نحب نمس غصن شجرة.... هههه
إن شاء الله هذه البدايات و ربي يدوم علينا صحة البدن


تلقاو هنا  فيديو الوصول لول وهنا الفيديو الثاني  
نحبكم بارشا عائلتي RCT 



Commentaires

Enregistrer un commentaire

Populaires

Mon deuxième Marathon avec RCT : récit par Assouma Radhouen

-
Image
Dur dur ce marathon !!! Lorsqu'il s'agit des 2èmes 42K, il n'est plus question d'être finisher, je stressait plutôt pour le chrono. Plus expérimentée, avec une meilleure VMA, il n'y avait aucune excuse pour ne pas s'améliorer. Malheureusement, malgré toutes les précautions prises, je tombait malade à j-7 du Marathon ce qui a nécessité la prise d’antibiotique et d’anti-inflammatoires jusqu'à la veille de la compétition. Le jour J arrive! J’entame ma course avec des séquelles de cette maudite maladie tout en me sentant quand même remontée à Bloc avec cette magnifique ambiance. A la 45ème minute, la malédiction frappe, dès la 1ère gorgée de ravitaillement. Je commençait à avoir des nausées et des troubles gastriques. J’essayait quand même de convaincre mon cerveau de les ignorer. Les douleurs persistait et me causait des vomissements. J’ai fini par ralentir. Je voyait mon objectif chrono s'éloigner de plus en plus. Entre temps, j'ai croisé
Lire la suite

Mon premier IronMan 70.3 avec RCT by Nadia Babay

-
Image
Le défi commence après le triathlon de paris pourquoi pas un half ironman ? Suis-je capable de le faire pourquoi pas je me suis bien lancée dans un marathon l’année dernière sans être sure de le finir, oui mais la c est différent c’est 3 disciplines qu il faut plus ou moins maîtriser, une charge d’entraînement plus importante et plus de temps d’effort. Wassim Laouiti avait la même idée en tête c’est parti pour le half de belek. Le jour ou on a dit ça à Aziz Ferjani qui nous a déjà donné encadré pour le tri de Paris, il nous a dit vous êtes fou une préparation de half en 4 mois, bon on va le faire mais il va falloir bosser !!! Et c’était partie pour une dure préparation de 4 mois avec plus de 12 H par semaine il fallait jongler entre le boulot le vélo qui est très chronophage la CAP la natation et bien sûr le renforcement musculaire, des hauts et des bas mais presque toujours dans la bonne humeur Le jour J : dernière vérification de la pression des pneus on enfile les combin
Lire la suite

Mon Premier RIC avec RCT by Zied Gasmi

-
Image
Mon Run In Carthage (RIC) 2019.. C’était mon tout premier RIC mais aussi ma Reprise officielle de la course à pied en compétition après un gap de 2 ans.. Pas dans des conditions optimales vu que g t contraint a faire du walk&run étant donné que je souffre d’une névralgie cervico brachiale et que je devais porter une minerve.. Mais ç’était aussi l’occasion de revoir de belles têtes joviales, malheureusement g manque d’autres 😕..Oh! Sous un soleil de plomb! On commence par Moslah en pre run, Monsieur Le President Oussama, les jeunes docteurs Fethi et Bilel, ma chère RCT Lac Team « adoptive » qui m’ont accueilli à bras ouvert dans une ambiance très conviviale : Skander, Omar,Ahmed, Nidhal, Wassim, Ramzi, Aymen, Mehdi, les 2 Marwa, Faten, Lamia, Dhekra…; Vous êtes magnifiques !..J’ai aussi croisé les vétérans RCTiens : RIC 2019.. Les Belles images ce sont celles là aussi, des personnes « aux besoins spécifiques » qui bravent le circuit vallonné du RIC côte à côte avec
Lire la suite